Aktuelles

Oser eista Zehdeh werd am 29.8.uffgnomma. So ischs au gwäa.

So, des war aschdrengend.

Mir henn älles gschpielt ond gsonga ond uffgnomma.

11 Subbr Liader senn derbai rauskomma.

Jetzt tuat der Todechniger grad älles aamischa ond no missad mir nomole zom Kondrolliera na, ob oos des so gfällt.

Grad ebba hanne s Kawer en Uffdrag gebba.Mol gucka, was die so nabrengat.

Mir hoffad, daß dui feddiga Zehdeh bis 15.September ufm Tisch leit.

Wenner euna vorbstelle wällat, no koscht dui 15 schlaffe Euros. Incl.Bordo zu Dir heum.

Schreibsch hald a Mehl an info@landtechnik-haegele.eu oder gangat ieber des Kondagt Männetschment Formular.

No hosch a guada Kaundrimusik mit schwäbische Texscht und verseuchsch derd Hos dabei.(Musch abber edda.)

Mir denn grad für euch d Schoo proba.

Jetscht semmer grad dabei, sneie Progamm zom lerna,damit Ihr nochher au was zum zuheira ond zum Lacha henn.

Mir kennat fascht scho zwoi Liader schbiela.

Laif-Mitschnitt

Beim Ufdritt am 21.Januar wird älles uffgnomma, ond`s beschde do draus wird auf a Laif-Zehdeh brennt.

Des geit no osra aischte Laif Zeh Deh.

Missater halt laut klatscha, das des au mit druff isch.

Mol Gugga, was do dabei rauskommt.

Zehdehs hemmer verschickt

Älle Radioschtationa hemmer jetzt versorgt mit osrer Zehdeh.

Dann hemmer se no verschickt zom aheera an:

Frau Bundeskanzlerin Angela Merkel    Keine Reaktion      Warom wois i edd?

Stefan Raab                                      Keine Reaktion

Harald Schmidt                                  Keine Reaktion

Bild-Zeitung

Chefredaktion Berlin                          Henn nett zrickgschrieba,kennat CD aber edd drugga.

Was die Radiosender schpielat, wissamer halt au edd.Hauptsach, die henns amole älle.

Enderwiuu

Uffbassa

Morga am Freideg 18.11. zwischa 18.50Uhr ond 19.00 Uhr Radioenderwiuu bei Radio ssc

www.radio-ssc.de

mid osrem Bandliider Hägela A - Manne.

Mol gucka, was der wieder fir an Scheiss schwätzt.

Uffdritt en Seifertshofa

Was sollermer saga.

Der Kiemale hot`s schier vom Hocker kaua.

Es war a subbr Eischiegsobend fer oos, om osre Liadla zom klempra.

Guat, a baar Lellabebbl warat au do, i glaub die hätsch missa mit 380 Wolt onder Stroom setza, dass die`d Gosch aufmacha tätat zom Lacha.Wahrscheinlich henn die blos Geld fier eu Bier von der Mamma mitgriagt.

Die Leit henn subbr mitgmacht, waraat guat drauf ond henn von oos d Musik, ond von der Wirtsleit  Essa ond Drenka kriagt.

Jetzt wissamer, daß eich des Glomp gfällt.No machmer weider soo, tät I saaga.

Dankschee, an älle wo do wahrat ond die wo edd dowahrat henn halt was verpasst, des isch nedd schlemm, denn em Jannuaar goots ja weider.

Äles en ällem: Subbr Bublikum, subbr Musik--Schee wars.- Voll wahrama. Noi, so wars au edd:))

Jetzt gibt`s bald eugene Songs

Jetz fangermer au no a eugene Liader zom Schreiba.Mir denkat bis Ende Februar, Afang März senn die aischte feddig.Mol gugga, wias nalauft.